A función de protección dos dereitos fundamentais polo Tribunal de xustiza da Unión Europea: entre a renovación e o continuismo

Resumo

O tratado de Roma non incorporou mención algunha aos dereitos fundamentais. De entre as diversas razoes determinantes desta omisión, a que probablemente puido desempeñar un papel máis relevante foi o temor dos Estados fundacionais a que unha declaración de dereitos fundamentais atribuíse ás institucións comunitarias poderes adicionais, temor este, por certo, que non se logrou conxurar de maneira completa ao longo do xa dilatado funcionamento da hoxe Unión Europea. O artigo repasa a situación vixente no momento actual, considerando os desafíos e tarefas pendentes na configuración do ordenamento da Unión nesta materia.