A REGULACIÓN DO TEMPO DE TRABALLO NAS ACTUAIS RELACIÓNS LABORAIS

Resumo

A importancia e transcendencia do tempo de traballo resulta indiscutible tanto para as persoas traballadoras como para as organizacións produtivas. A xeneralización da intelixencia artificial e, en último termo, dos algoritmos, veu a redimensionar os seus efectos, ata o punto de que se retomaron con forza as clásicas reivindicacións obreiras sobre a redución dos límites máximos de xornada. Ademais, por fin, as normas laborais tomaron conciencia de que as medidas de conciliación han de impregnarse da perspectiva de xénero no seu deseño, o que implica atender á distribución dos tempos vitais das persoas. En fin, novos dereitos para realidades novas que esixen garantir un novo modelo de traballo decente.